بھارتی رئیلیٹی شو بگ باس او ٹی ٹی 2 کے فاتح اور معروف بھارتی یوٹیوبر ایلوش یادو نے ریسٹورنٹ میں بیٹھے شخص کو تھپڑ مار دیا جس کی ویڈیو سوشل میڈیا پر وائرل ہوگئی ہے۔

حال ہی میں ایک ویڈیو سوشل میڈیا پر خوب وائرل ہورہی ہے جس میں دیکھا جاسکتا ہے کہ ایلوش یادو اپنی سیکیورٹی ٹیم کے ہمراہ ریسٹورنٹ سے باہر نکل رہے ہیں پھر وہ اچانک پیچھے مُڑتے ہیں اور ریسٹورنٹ میں بیٹھے ایک شخص کے پاس جاکر اُسے زور دار تھپڑ مارتے ہیں۔

سوشل میڈیا پر وائرل ہونے والی اس ویڈیو میں یہ بھی دیکھا جاسکتا ہے کہ یوٹیوبر کے ہاتھوں تھپڑ کھانے والا شخص بحث کرنے لگتا ہے تو ایلوش یادو دوبارہ اُسے مارنے کی کوشش کرتے ہیں لیکن اُن کی ٹیم اُنہیں روک دیتی ہے۔

ایلوش یادو کی یہ ویڈیو سوشل میڈیا پر تیزی سے وائرل ہورہی ہے جبکہ صارفین کی جانب سے یوٹیوبر پر کڑی تنقید بھی کی جارہی ہے۔

بھارتی میڈیا نے بتایا کہ پولیس موقع پر موجود تھی لیکن ابھی تک اس معاملے میں کوئی شکایت درج نہیں ہوئی ہے۔