پاکستان کے معروف اداکار خالد انعم کا کہنا ہے کہ پاکستان میں ہونے والی شادیوں کو دیکھ کر لگتا ہے یہ ملک امریکہ کو قرضہ دیتا ہے۔

حال ہی میں پاکستان کے معروف اداکار خالد انعم نے اپنے انسٹاگرام اکاؤنٹ پر ایک پوسٹ شیئر کی ہے جس میں لکھا ہے کہ پاکستان کی شادیاں، شاپنگ مال اور ریسٹورینٹ دیکھ کر لگتا ہے کہ یہ ملک امریکہ، جرمنی اور جاپان کو قرضہ دیتا ہے، پاکستان میں ہر بندہ اپنی چادر سے دو سو فٹ باہر ہے۔

اداکار نے اپنی ایک اور انسٹا پوسٹ میں لکھا ہے کہ پیسے اتنے کمائیں کہ جب آپ بیمار ہوں تو بچے ڈاکٹر بلائیں وکیل نہیں۔

دوسری جانب سوشل میڈیا صارفین اداکار کے ان خیالات سے اتفاق کرتے نظر آ رہے ہیں۔