متحدہ عرب امارات کے خلاباز سلطان النیادی پیر کی سہ پہر متحدہ عرب امارات واپس پہنچ گئے۔

عرب میڈیا کے مطابق طویل مدتی خلائی مشن پر تعینات ہونے والے پہلے عرب خلاباز اور خلائی چہل قدمی مکمل کرنے والے پہلے عرب خلاباز النیادی بین الاقوامی خلائی اسٹیشن پر چھ ماہ گزارنے کے بعد بالآخر متحدہ عرب امارات کی سرزمین پر واپس آ گئے۔

ابوظہبی ایئرپورٹ پہنچنے پر متحدہ عرب امارات کے صدر شیخ محمد بن زید اور دبئی کے حکمران شیخ محمد بن راشد نے ان کا استقبال کیا۔

4 ستمبر کو خلا سے واپس آنے کے بعد سلطان النیادی نے فلوریڈا اور ٹیکساس میں صحت یاب ہونے میں وقت گزارا، انہیں طبی جانچ ، تشخیص اور مشن ڈی بریف سے گزرنا پڑا۔

اماراتی خلاباز نے ناسا کے خلاباز اسٹیفن بووین اور ووڈی ہوبرگ اور روسکوسموس کے خلاباز آندرے فیڈیئیف کے ساتھ 2 مارچ کو فلوریڈا کے کینیڈی اسپیس سینٹر سے ناسا کے اسپیس ایکس کریو-6 میں اڑان بھری تھی۔

خلاباز سلطان النیادی نے گھر واپسی پر اپنے جوش و خروش کا اظہار کرنے کے لئے ایکس (سابقہ ٹویٹر) کا سہارا لیا اور کہا کہ زمین پر واپس آنے کے بعد، اب گھر واپس آنے کا وقت ہے، ہماری ملاقات کل ہے، میں آپ کو ڈار زاید میں اچھی طرح دیکھوں گا۔

امارات میں واپسی سے قبل سلطان النیادی نے ایکس پر اپنے فالوورز کے ساتھ ایک پیغام بھی شیئر کیا۔

منذ بداية التحضيرات التي استمرت 5 سنوات إلى العيش أكثر من 180 يومًا في الفضاء كانت هذه المهمة من أجمل التجارب التي مرت في حياتي..

بعد الرجوع إلى الأرض، حان الآن موعد العودة إلى الوطن.. موعدنا غدًا.. أشوفكم على خير في دار زايد 🇦🇪 pic.twitter.com/k2zhwPyZFb

— Sultan AlNeyadi (@Astro_Alneyadi) September 17, 2023

انہوں نے اپنے پیغام میں کہا کہ مشن کی پانچ سالہ تیاریوں کے آغاز سے لے کر خلا میں 180 سے زائد دن گزارنے تک، یہ زندگی بھر کا تجربہ رہا ہے، زمین پر واپسی کے بعد، گھر آنے کا وقت آگیا ہے۔ میں آپ سب سے کل ہمارے پیارے متحدہ عرب امارات میں ملنے کا منتظر ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں