کراچی کے جناح اسپتال میں بم کی اطلاع کے معاملے پر بم ڈسپوزل یونٹ نے اسپتال کو کلیئر قرار دیدیا۔
پولیس کے مطابق علی الصبح 5 بج کر 35 منٹ پر نامعلوم شخص نے اطلاع دی کہ جناح اسپتال میں میں نے بم رکھ دیا ہے تاہم فون کرنے والے شخص نے بم کی اطلاع دینے کے بعد اپنا نمبر بند کردیا۔
پولیس حکام نے بتایا کہ اطلاع ملتے ہی پولیس اور بم ڈسپوزل اسکواڈ کی ٹیم جناح اسپتال پہنچ گئی۔
پولیس اور بم ڈسپوزل اسکواڈ کی ٹیم نے جناح اسپتال، ایمرجنسی و پارکنگ ایریا، ویٹنگ ایریا اور دیگر اعتراف کے مقامات کی سرچنگ اور چیکنگ کی۔
پولیس نے مزید بتایا کہ چیکنگ کے دوران کوئی بھی کوئی بھی مشکوک چیز دیکھنے میں نہیں آئی تاہم اس کے بعد بم ڈسپوزل اسکواڈ نے این آئی سی ایچ کی سرچنگ اور دونوں کو کلیئر قرار دے دیا۔
