ایرانی وزیر خارجہ عباس عراقچی نے دورہ پاکستان کا اعلان کردیا۔
عباس عراقچی نے پاکستان سمیت تین ممالک کے دورے کا اعلان کرتے ہوئے کہا ہے کہ وہ اسلام آباد، مسقط اور ماسکو روانہ ہورہے ہیں۔
Embarking on timely tour of Islamabad, Muscat, and Moscow.
Purpose of my visits is to closely coordinate with our partners on bilateral matters and consult on regional developments.
Our neighbors are our priority.
— Seyed Abbas Araghchi (@araghchi) April 24, 2026
ایرانی وزیر خارجہ کے مطابق ان دوروں کا مقصد شراکت دار ممالک کے ساتھ دوطرفہ امور پر قریبی رابطہ برقرار رکھنا اور باہمی تعاون کو مزید مضبوط بنانا ہے۔
عباس عراقچی نے کہا کہ دورے کے دوران خطے کی مجموعی صورتحال پر بھی مشاورت کی جائے گی اور اہم علاقائی معاملات پر تبادلہ خیال کیا جائے گا۔
انہوں نے واضح کیا کہ ہمسایہ ممالک ایران کی خارجہ پالیسی میں اولین ترجیح رکھتے ہیں اور ان کے ساتھ تعلقات کو خصوصی اہمیت دی جاتی ہے۔
