جرمنی میں قائم برطانوی سفارت خانے کے سیکیورٹی گارڈ کو روس کے لیے جاسوسی کرنے کے الزام میں سزا سنا دی گئی۔

تفصیلات کے مطابق 58 سالہ برطانوی سفارت خانے کے سیکیورٹی گارڈ ڈیوڈ بالنٹائن اسمتھ کو جرمنی میں روسی سفارت خانے کو حساس مواد پہنچانے کے بعد اسٹنگ آپریشن میں پکڑ لیا گیا۔

روس کے لیے جاسوسی کرنے والے برطانیہ کے برلن سفارت خانے کے ایک سابق سیکیورٹی گارڈ کو آفیشل سیکرٹ ایکٹ کے تحت 13 سال سے زیادہ کے لیے جیل بھیج دیا گیا ہے۔

ڈیوڈ بالنٹائن اسمتھ کو جرمنی میں روسی سفارت خانے کو تین سال سے زائد عرصے تک حساس مواد منتقل کرنے کے بعد اسٹنگ آپریشن میں پکڑا گیا، جس میں سابق وزیر اعظم بورس جانسن کے ساتھ “خفیہ” حکومتی رابطے بھی شامل تھے۔

جج مارک وال نے آج کہا کہ الزامات کا تعلق 2020 اور 2021 کے درمیان طرز عمل سے تھا، لیکن اسمتھ کی سرگرمیاں دو سال پہلے شروع ہو چکی تھیں۔

برطانوی سفارت خانے کے سیکیورٹی گارڈ ڈیوڈ بالنٹائن اسمتھ نے برلن میں روسی سفارت خانے کے افراد کو حساس معلومات پر مشتمل دو خطوط بھیجنا قبول کیا۔

جج مارک وال نے عدالت میں اسمتھ کو مخاطب کرتے ہوئے کہا مجھے یقین ہے کہ 2020 میں کسی وقت آپ نے روسی سفارت خانے میں کسی سے باقاعدہ رابطہ قائم کیا تھا، اور آپ کو روسیوں نے آپ کی غداری کا معاوضہ بھی دیا تھا۔