افریقین یونین کے سالانہ اجلاس میں شریک اسرائیلی خاتون سفارتکار کو منتظمیں نے چلتے اجلاس سے باہر نکال دیا۔
غیر ملکی میڈیا کی خبروں کے مطابق ایتھوپیا کے دارالحکومت ادیس ابابا میں افریقی یونین کے سالانہ اجلاس کا آج پہلا دن تھا، اجلاس کے دوران منتظمین نے اسرائیلی خاتون سفارتکار کو باہر نکال دیا۔
غیر ملکی میڈیا کے مطابق اسرائیل کی سینیئر سفارتکار اور ڈپٹی ڈائریکٹر برائے افریقہ شیرون بارلی ادیس ابابا میں افریقی یونین سمٹ کے افتتاحی سیشن میں شرکت کے لیے پہنچی تھیں۔
یہ بھی پڑھیں : اسرائیلی فوج کی بربریت جاری، مزید پانچ فلسطینی شہید
سوشل میڈیا پر شیرون بارلی کو اجلاس سے باہر نکالنے کی ویڈیو وائرل ہو چکی ہے جس میں دیکھا جا سکتا ہے کہ منتظمین اور ایک سیکیورٹی اہلکار اسرائیلی خاتون سفیر سے بات چیت کر رہے ہیں، جبکہ سفیر نفی میں سر ہلا رہی ہیں۔
תקרית דיפלומטית חמורה: חברי משלחת ישראל גורשו מאולם ועידת האיחוד האפריקני | צפו@BarakRavid pic.twitter.com/uNiffXhugf
— וואלה (@WallaNews) February 18, 2023
سیکیورٹی اہلکار بھی بضد تھا بالآخر انہیں اپنے ساتھ اجلاس سے باہر لے جانے میں کامیاب ہو گیا۔
غیر ملکی میڈیا کے ذرائع کے مطابق اسرائیلی خاتون سفیر کو الجزائر اور جنوبی افریقہ کے اعتراض پر اجلاس سے باہر نکالا گیا ہے، کیونکہ دونوں ممالک کا کہنا ہے کہ اسرائیلی خاتون ایتھوپیا کی سفیر نہیں ہیں اس لیے وہ اجلاس میں شرکت نہیں کر سکتیں۔
الجزائر اور جنوبی افریقہ کے اس اعتراض کے بعد اسرائیلی سفیر کا اجلاس میں شرکت کا دعوت نامہ منسوخ کر دیا گیا۔
جس پر اسرائیلی وفد کو مبصر کی حیثیت سے شرکت کے لیے جاری کیا گیا دعوت نامہ منسوخ کر دیا گیا۔
اسرائیل نے اس واقعے پر سخت احتجاج کیا اور کہا کہ اسرائیلی سفارت کار کا دعوت نامہ منسوخ کرنا افریقی یونین کے چارٹر میں درج نہیں ہے۔
اسرائیل کو 2021 میں افریقی یونین میں مبصر کا درجہ دیا گیا تھا۔
