برازیل سے تعلق رکھنے والے صدی کے بہترین فٹ بالر پیلے کی آخری رسومات سینٹوس میں جاری ہیں۔
تفصیلات کے مطابق برازیل کے لیجنڈ فٹ بال کھلاڑی پیلے کی آخری رسومات جاری ہیں، آج ان کی میت کو اسپتال سے ان کے سابق کلب سینٹوس کے فٹ بال اسٹیڈیم میں منتقل کیا گیا ہے۔
پیلے کے خراج تحسین پیش کرنے کے لیے مداحوں نے برازیل کے لیجنڈ کھلاڑی کو الوداع کہنے کے لیے اسپتال سے فٹ بال اسٹیڈیم منتقلی کے دوران سڑک کے دونوں جانب آتشبازی کی۔
پیلے کی آخری رسومات کا ہفتہ آج سے سینٹوس فٹ بال کلب میں منعقد کیا جائے گا اور ان کے تابوت کو پچ کے بیچوں بیچ رکھا جائے گا تاکہ عوام انہیں خراج عقیدت پیش کر سکیں۔
یہ بھی پڑھیں: دُنیائے فٹ بال کا عظیم کھلاڑی پیلے دنیا سے رخصت ہو گیا
پیلے کی میت کا تابوت سینٹوس فٹ بال کلب میں 24 گھنٹے تک رکھا جائے گا۔ اس کے بعد تابوت کو سینٹوس کی گلیوں سے گزار کر ایکومینیکل نیکرو پولیس میموریل لے جایا جائے گا جہاں ان کے اہل خانہ ان کا آخری دیدار کریں گے۔
واضح رہے کہ لیجنڈ فٹ بال فارورڈ پیلے کا انتقال جمعرات کو 82 سال کی عمر میں ساؤ پالو کے اسپتال میں ہوا تھا، ان کے انتقال کی خبر سن کر فٹ بال کی دنیا میں افسردگی چھا گئی تھی۔
پیلے کی موت کے ایک دن بعد برازیل کے سب سے بڑے فٹ بال اسٹار کے پرستار اپنے ہیرو کا ماتم کرنے اور خراج عقیدت پیش کرنے کے لیے سڑکوں پر نکل آئے جسے وہ “فٹ بال کا بادشاہ” کہتے تھے۔
یہ بھی پڑھیں : فٹ بال کے لیجنڈ پیلے کی بڑی آنت میں ٹیومر، اسپتال داخل
اس کے بعد تابوت کو سینٹوس کی گلیوں سے ہوتا ہوا ایکومینیکل نیکروپولیس میموریل تک نجی مداخلت کے لیے لے جایا جائے گا۔
برازیل کی حکومت کی جانب سے پیلے کی تدفین سرکاری اعزاز کے ساتھ کرنے سے پہلے 4 لاکھ سے زائد غم زدہ شائقین برازیل کے بندرگاہی شہر سینٹوس میں فٹ بال کے اہم مقامات پر جمع ہوئے.
