سعودی عرب کے فضائی دفاعی نظام نے دارالحکومت ریاض کی جانب داغے گئے 2 بیلسٹک میزائل فضا میں ہی تباہ کردیے جبکہ ملک کے مشرقی صوبے میں 3 ڈرونز کو بھی مار گرایا گیا۔
خبر رساں اداروں رائٹرز اور انادولو کے مطابق اتوار 15 نومبر 2026 کو سعودی قیادت میں قائم اتحادی فوج کے ترجمان میجر جنرل ترکی المالکی نے بتایا کہ فضائی دفاعی نظام نے یمن کے حوثی باغیوں کی جانب سے ریاض کی طرف داغے گئے دو بیلسٹک میزائلوں کو کامیابی سے روک کر تباہ کردیا۔
اتحادی فوج کے ترجمان کے مطابق سعودی عرب کے مشرقی صوبے میں ابتدائی طور پر دو ڈرونز کو بھی تباہ کیا گیا جبکہ بعد ازاں جاری کیے گئے ایک اور بیان میں اسی علاقے میں تیسرے ڈرون کو مار گرانے کی تصدیق کی گئی۔
سعودی حکام کے مطابق میزائل اور ڈرونز کو بروقت روکنے کے باعث ممکنہ نقصان سے بچاؤ ممکن ہوا۔
