آئی سی سی مینز کرکٹ ورلڈ کپ 2027 کے ٹکٹوں کے حصول کے لیے دنیا بھر سے غیر معمولی دلچسپی دیکھنے میں آئی ہے، جہاں ٹکٹوں کی قرعہ اندازی کے لیے رجسٹریشن کا عمل شروع ہونے کے صرف 12 روز میں ڈیڑھ کروڑ سے زائد درخواستیں موصول ہو چکی ہیں۔

انٹرنیشنل کرکٹ کونسل نے منگل کو بتایا کہ ٹکٹوں کے لیے مجموعی طور پر 15,083,752 درخواستیں موصول ہوئیں، جبکہ 142 ممالک کے شائقین کی جانب سے قرعہ اندازی کے لیے 4,423,417 رجسٹریشنز مکمل ہوگئیں ہیں۔

آئی سی سی کے مطابق ٹکٹوں کی طلب میں تیزی سے اضافہ ہوا ہے، گزشتہ ہفتے تک درخواستوں کی تعداد 10 لاکھ تھی، جو 2 ہفتوں سے بھی کم عرصے میں بڑھ کر ڈیڑھ کروڑ سے تجاوز کر گئی۔

کرکٹ ورلڈ کپ کے ٹکٹوں کے لیے درخواستیں دینے والے ممالک میں برطانیہ پہلے نمبر پر آگیا جبکہ جنوبی افریقہ، بھارت، امریکا اور آسٹریلیا ٹکٹوں کی درخواستیں دینے والے سرفہرست پانچ ممالک میں شامل ہے۔